| ظاہر وہ یوں جمال تو پہلے نہیں ہوا |
| جی اس طرح نہال تو پہلے نہیں ہوا |
| آتی ہیں غیب سے جو زباں پر حکایتیں |
| میں اتنا با کمال تو پہلے نہیں ہوا |
| ہم بھی رہے ہیں اپنی طبیعت میں صاف گو |
| پوشیدہ اپنا حال تو پہلے نہیں ہوا |
| مدّت ہوئی ہے اس سے تعلّق ہوا مجھے |
| ملنا اسے محال تو پہلے نہیں ہوا |
| عرصہ ہوا ہے در پہ اس کے آ گئے تھے ہم |
| وہ باعثِ ملال تو پہلے نہیں ہوا |
| گو کاروبارِ زندگی معمول پر نہیں |
| جینا یہاں محال تو پہلے نہیں ہوا |
| گھڑیاں بھی گو لگیں مجھے اس کے بغیر دن |
| دن ہفتہ ماہ و سال تو پہلے نہیں ہوا |
| ہیں اس قدر جو دل ہوئے اس پر نثار یوں |
| وہ ایسے مالا مال توپہلے نہیں ہوا |
| جاں دے دیں لوگ اس کے اشارے پہ وہ مگر |
| کچھ باعثِ قتال تو پہلے نہیں ہوا |
| گو ہم نہ جیت پائے کبھی دوڑ وقت سے |
| وقت ایسا لا زوال تو پہلے نہیں ہوا |
| طارق کو کیوں کہو کہ وہ پابندِ نظم ہے |
| وہ ایسا بے مثال تو پہلے نہیں ہوا |
معلومات