مقدر میں جس کے گدائی ہے تیری |
اسے راہ رب نے دکھائی ہے تیری |
تجھے اس نے سلطاں بنایا دہر کا |
خدا کا تو دلبر خدائی ہے تیری |
غلاموں کو تجھ سے ملی بادشاہی |
خدا نے یہ عزت بنائی ہے تیری |
ہے رتبے میں اعلی جو واحد خدا ہے |
یہ بعد از خدا کے بڑائی ہے تیری |
غنی ہو گیا دو جہاں میں وہ سائل |
سخی جس نے خیرات پائی ہے تیری |
رواں زندگی ہے کرم تیرے سے جاں |
کٹھن دل کو دلبر جدائی ہے تیری |
ہے تیرا کرم ہی یہ محمود پر بھی |
گلی اس کو رب نے دکھائی ہے تیری |
معلومات