| اس سے مل کر خوشی کو بھول گیا |
| کب ہنسا تھا ہنسی کو بھول گیا |
| عشق ہے ذات کی نفی اور کیا |
| عشق کر کے خودی کو بھول گیا |
| اس گلی میں قدم گئے اور پھر |
| اپنے گھر کو گلی کو بھول گیا |
| جس کو خوابوں میں عمر بھر چاہا |
| آنکھ کھلتے اسی کو بھول گیا |
| زندگی میں ہوا ہوں یوں مصروف |
| خود کی ہی زندگی کو بھول گیا |
| جو مرا عکس بن کے گھورتا ہے |
| میں اب اس اجنبی کو بھول گیا |
| اب مجھے بھولنے کی عادت ہے |
| وہ بھی بھولا ہوں کیا میں بھول گیا |
| تم نے کیوں یہ مجھے اجازت دی |
| آج تو تم کو ہی میں بھول گیا |
| آج اپنا یہ حال ہے شاہدؔ |
| خود کو کیا بندگی کو بھول گیا |
معلومات