| تمام عمر مجھے اضطرار کس کا تھا |
| نہ تھا یہ عشق تو پھر انتشار کس کا تھا |
| مرے وجود میں گر جھانکتا تو پا لیتا |
| مرا نہ تھا تو دلِ بے قرار کس کا تھا |
| وہ پاس تھا مرے پر دور تھا بہت مجھ سے |
| اسے وصال میں اب انتظار کس کا تھا |
| وہ شعر سن کے مرا پوچھتا ہے کس کا تھا |
| نہ تھا مرا جو اگر شاہکار کس کا تھا |
| مرا ہی نام لکھا تھا بڑے سے پتھر پر |
| وہاں نہ تھا میں اگر تو مزار کس کا تھا |
| بس ایک قطرۂ مے بھی نہ چھو سکا لب کو |
| یہ بات ہے تو عمر بھر خمار کس کا تھا |
| حساب ہر گھڑی منکر نکیر کرتے رہے |
| جو بخشنا تھا مجھے پھر شمار کس کا تھا |
| قدم قدم پہ بھٹکنا پڑا مجھے شاہد |
| نہ تھا خدا کا تو پھر اختیار کس کا تھا |
معلومات