| ترا اقرار کرنا بھی تو کچھ انکار جیسا ہے |
| یہ کیسا پیار ہے تیرا جو کچھ کچھ پیار جیسا ہے |
| ترے ملنے سے بھی تجھ سے مرا ملنا نہیں ہوتا |
| کہ تیرا بولنا مجھ سے عدم گفتار جیسا ہے |
| کچھ اس کو نام تو دے جو مرے تو ساتھ رہتا ہے |
| کہ ہے یہ رسمِ دنیا یا کوئی بیوپار جیسا ہے |
| نہ ہو تو ساتھ میرے تو جہاں کس کام کا میرے |
| ہر ایسا جیتنا میرا تو بھی اک ہار جیسا ہے |
| تو آ کے پوچھ لے اک بار احوالِ مریضاں بھی |
| تو ہے جس کا مکیں وہ دل مرا بیمار جیسا ہے |
| کہ تجھ کو چوم لوں تو لب مرے بھی زخم کھاتے ہیں |
| کہ کیسا پھول ہے تو بھی جو کچھ کچھ خار جیسا ہے |
| میں رہتا ہوں جو آدھی نیند میں اب راتوں کو اکثر |
| نشہ یادوں کا تیرا بھی تو اک خمار جیسا ہے |
| سمجھ آتا نہیں اترانا وہ ترکِ وفا کر کے |
| فخر جس پر تو کرتا ہے مجھے وہ عار جیسا ہے |
| کرشمہ ہے تخیل کا کہ پہنچا ایسے درجے پر |
| کھڑا ہوں اس کنارے پر تصور پار جیسا ہے |
| کہ اب تو اپنی سوچوں پر مجھے کچھ سوچنا ہو گا |
| کہ ہے وہ دشمنِ جاں مجھ کو لگتا یار جیسا ہے |
| کوئی وقعت ہمایوں تیرے جذبوں کی نہیں ہے اب |
| ترا چلنا وفاؤں پر یونہی بیکار جیسا ہے |
| ہمایوں |
معلومات