بھول کر اپنا تخلّص نام تیرا لکھ دیا |
شاعری احقرنے کی پیغام تیرا لکھ دیا |
ہر گھڑی تیرا تخیّل ہر زماں تیرا گداز |
لکھتے لکھتے لفظوں نے اندام تیرا لکھ دیا |
عمر بھر کی جمع پونجی کاروبارِ زندگی |
جو اثاثہ ہے مرا مادام تیرا لکھ دیا |
ساغرو مینا صراحی جانِ جاں کیا چیز ہیں |
طاہر و اطہر مکّرم جام تیرا لکھ دیا |
تنگ گلیوں کی فصیلوں پر پرانے بام و در |
در وہاں میرا تھا ہمدم بام تیرا لکھ دیا |
آج تک میری نظر بہکی نہیں بھٹکی نہیں |
مجھکو بھی اللّہ نے انعام تیرا لکھ دیا |
مَیں نے اپنی زندگی تیرے غموں کے نام کی |
خلوتوں کی مے کشی کا جام تیرا لکھ دیا |
اتنا پسماندہ نہیں ہوں پھر بھی اے جانِ غزل |
لکھ دیا دیوار پر بے دام تیرا لکھ دیا |
میرے اللّہ نے کیا مجھ پر خصوصی التفات |
میرے قلب و رُوح پر جب نام تیرا لکھ دیا |
کچھ تو اے امید کر لو آخرت کا انصرام |
آ گیا عہدِ الست ہونے لگی تقویمِ شام |
معلومات