| پنہاں سراغ حق ہے جامہ مجاز میں |
| آئے ہیں شاہِ مرسل ارضِ حجاز میں |
| کچھ موجزن ہیں جلوے دربارِ یار میں |
| شانِ محمدی ہے رازوں کے راز میں |
| ارفع کیا گیا ہے ذکرِ حبیب کو |
| لاکھوں تجلیاں ہیں دلبر کے ناز میں |
| خُلقِ عظیم اُن کو قرآن نے کہا |
| تاباں وتیرہ دیکھو ان کا جواز میں |
| سلطانِ دو جہاں کے پتھر ہیں پیٹ پر |
| اک حوصلہ نہاں ہے ان کے نیاز میں |
| جو لطف ان کو آیا قصرِ دنیٰ میں تھا |
| امت کو دے دیا وہ ان کی نماز میں |
| محمود شانِ دلبر زینت ہے اوجِ کی |
| اوصاف ہیں سنہرے بندہ نواز میں |
معلومات