| جو ناتواں دلوں کی ہر دم پکار ہیں |
| رحمت ہیں وہ خدا کی من کا قرار ہیں |
| سب انبیا دہر میں ہادی ہیں بن کے آئے |
| اس قافلہ کے ہمدم وہ تاج دار ہیں |
| لا ریب ذات ان کی محبوب رب کے وہ |
| دونوں جہان جن کے اپنے دیار ہیں |
| سارے ہیں جگ نبی کے لو لاک کی سنیں |
| سرور ہیں ایسے آقا جو با وقار ہیں |
| جن کے حسن کا پرتو آیا ہے دہر پر |
| رونق وہ ہی چمن کی جانِ بہار ہیں |
| الطاف بٹ رہے ہیں بابِ نبی سے جو |
| نوری بھی لینے آتے پروانہ وار ہیں |
| محمود کر غلامی آلِ نبی کی تو |
| سرِ نہاں نبی کے جو راز دار ہیں |
معلومات