| عشق سب کو عطا نہیں ہوتا |
| ہر کوئی دل جلا نہیں ہوتا |
| راستے میں وہ مڑ گیا ایسے |
| یوں تو کوئی جدا نہیں ہوتا |
| اسے کیسے میں اب تلاش کروں |
| ریت پر نقشِ پا نہیں ہوتا |
| کچھ بھی کر لوں مگر سوال نہیں |
| مجھ سے اطہارِ مدعا نہیں ہوتا |
| جن کے گھر میں کوئی چراغ نہ ہو |
| ان کو اندیشۂ ہوا نہیں ہوتا |
| دار پر مجھ کو کھینچ لیتے ہیں |
| جرم میں نے کیا نہیں ہوتا |
| بذدلی ظلم پیدا کرتی ہے |
| ظلم خود سے روا نہیں ہوتا |
| ان کا دعویٰ ہے کبریائی کا |
| خود سے کوئی خدا نہیں ہوتا |
| چھپ کے پیتے ہیں شیخ صاحب آپ |
| آج کل کوئی پارسا نہیں ہوتا |
| بڑے درویش ان میں ہوتے ہیں |
| ہر بھکاری گدا نہیں ہوتا |
معلومات