| آتا ضرور اس کو محبّت نہیں ملی |
| دل منجمد تھا جس کو حرارت نہیں ملی |
| میں اس کے گھر پہ جا کے بلاتا اسے ضرور |
| اس کی بھی مجھ کو اس سے اجازت نہیں ملی |
| قائل ہماری مخلصی کا وہ نہیں تو کیا |
| اس کو کبھی ہماری رفاقت نہیں ملی |
| پیغام جب ملا ہے تو آئے گا وہ ضرور |
| ورثے میں کیا اسے بھی شرافت نہیں ملی |
| اعصاب نے جواب دیا ہے تو کیا گلہ |
| کرنے کو اس سے پہلے ریاضت نہیں ملی |
| تسخیرِ کائنات میں کرتا مگر ابھی |
| خود ہی کو جاننے سے فراغت نہیں ملی |
| ملنے سے پہلے اس سے عبادت تو کی مگر |
| پہلے تو اس قدر کبھی لذّت نہیں ملی |
| طارق خدا کا فضل ہو یہ اور بات ہے |
| محنت نہ کی تو پھر کہیں جنَّت نہیں ملی |
معلومات