| چلو لفظوں سے کھیلیں اور ذرا سی ساحری کر لیں |
| چلو غالب نہیں پھر بھی ذرا سی شاعری کر لیں |
| چلو ہم راندۂ درگاہ ہیں اب بندگی کیسی |
| چلو سجدہ کریں بت کو ذرا سی کافری کر لیں |
| چلو ہم تو فقیرِ شہر ہیں مردہ ضمیر اپنا |
| چلو سلطان کے اعمال پر اب خودکشی کر لیں |
| چلو سالار تو اب بک گیا دشمن کے ہاتھوں میں |
| چلو قیمت لگاؤ ہم بھی تھوڑی مخبری کر لیں |
| چلو ہم تو مسافر ہیں مگر چلنے سے پہلے ہم |
| چلو گلیوں کا اک دیدار اب ہم آخری کر لیں |
معلومات