| ہمیں جس سے محبّت ہے خلافت ایک نعمت ہے |
| اسی سے عہدِ بیعت ہے خلافت ایک نعمت ہے |
| کیا وعدہ خدا نے مومنوں سے جس کا قرآں میں |
| وہی واضح بشارت ہے خلافت ایک نعمت ہے |
| خدا خود اپنے ہاتھوں سے اسے منظور کرتا ہے |
| خدا کی بادشاہت ہے خلافت ایک نعمت ہے |
| ملے جب آخریں سے اوّلیں تو یہ سبق پایا |
| کہ فرض اس کی حفاظت ہے خلافت ایک نعمت ہے |
| یہ نعمت جب ملی پہلوں کو فتنوں کا نتیجہ تھا |
| کہ پھر پائی شہادت ہے خلافت ایک نعمت ہے |
| نہ چھن جائے کہیں نعمت یہ ناشکری نہ ہو جائے |
| ہمیں واجب اطاعت ہے خلافت ایک نعمت ہے |
| مقابل مکر ہو جب بھی خدا تدبیر کرتا ہے |
| جو غالب اُس کی حکمت ہے خلافت ایک نعمت ہے |
| جو منہاجِ نبوّت پر ہے قائم اس زمانے میں |
| وہی راشد خلافت ہے خلافت ایک نعمت ہے |
| ہمارا دل ہماری جاں ہمارا مال سب اس پر |
| فدا کرنا سعادت ہے خلافت ایک نعمت ہے |
| خدا نے چن لیا طارق یہ اس کا فضل ہے ہم پر |
| ہماری جو قیادت ہے خلافت ایک نعمت ہے |
معلومات