| ہائے ری قسمت تری تصویر نے دھوکہ دیا |
| خواب تک تو ٹھیک تھا تعبیر نے دھوکہ دیا |
| ان اجالوں سے تری قسمت چمکنے کی نہیں |
| یہ اندھیرے ہیں تجھے تنویر نے دھوکہ دیا |
| پھول ہی چنتے رہے ماں باپ بچّوں کے لئے |
| بعد ازاں عقدہ کھلا تقدیر نے دھوکہ دیا |
| چند لمحوں کے توقّف نے ہمیں رسوا کیا |
| حیف ایسی کاہلی تاخیر نے دھوکہ دیا |
| بند کمرے میں چلی آئی مَیں کچھ نا کہہ سکا |
| موت آ پہنچی تو ہر تدبیر نے دھوکہ دیا |
| آنے والا دَور تیرا ہے فسانے ہیں امید |
| یہ سلاسل ہیں تجھے زنجیر نے دھوکہ دیا |
معلومات