| نور کو رہنما نہیں کرتے |
| وہ جو روشن دیا نہیں کرتے |
| کیوں زمانہ بہا کے لے جائے |
| ہاتھ باندھے ، بہا نہیں کرتے |
| زندگی جس کی ہو کسی کے نام |
| وہ بہانے کیا نہیں کرتے |
| گر مسلّط ہو سر پہ ، لڑتے ہیں |
| جنگ کی ابتدا نہیں کرتے |
| حکمِ یزداں پہ سر جھکاتے ہیں |
| ظلم یونہی سہا نہیں کرتے |
| حشر پر کب یقین رکھتے ہیں |
| گر وہ رکھتے بُرا ، نہیں کرتے |
| محو ہوں گفتگو میں جو اس سے |
| بے وجہ کچھ کہا نہیں کرتے |
| جن کو احساسِ ذمّہ داری ہو |
| وقت پر چپ رہا نہیں کرتے |
| طارق اس مختصر سے رستے میں |
| چلتے چلتے ، رُکا نہیں کرتے |
معلومات