| کب ہم نے روٹھ کر گئے پہلے منا لئے |
| اُس نے بھی امتحان کئی بارہا لئے |
| برسوں کے رتجگے تھے کہاں خواب دیکھتے |
| پلکوں پہ اس کی یاد میں موتی سجا لئے |
| سورج نکل رہا تھا ہمیں آئی اونگھ جب |
| پھر کھڑکیوں سے ہم نے ہی پردے ہٹا لئے |
| ہم ہی نہیں تھے اس کی تمنّا میں بے قرار |
| اس کے بھی آئے کتنے پیمبر پتہ لئے |
| ہم کیسے بھول پائیں گے وہ موسمِ بہار |
| آئی تھی فصلِ گل کی مہک جب صبا لئے |
| آواز کی تو نغمگی ہم سے نہ پوچھئے |
| جس نے سنی وہ چل پڑا یہ راستہ لئے |
| محفل میں اُس کا ذکر ہوا جب بھی دوستو |
| عاشق رقیب بن کے چلے نقشِ پا لئے |
| طارق وصالِ یار کی صورت کوئی تو ہو |
| جائیں گے ورنہ ہم کہاں یہ دل دکھا لئے |
معلومات