سدا رہنے والی بڑھائی ہے ان کی |
خدا نے یہ عظمت بنائی ہے ان کی |
ہیں سلطان وہ ہی زماں اور مکاں کے |
ہے رب کی عطا یہ خدائی ہے ان کی |
نبی کی نظر سے ہے خارا بھی ہیرا |
یہ شوکت خدا نے دکھائی ہے ان کی |
ملی بے نیازی گدائے نبی کو |
بڑی خیر دیتی گدائی ہے ان کی |
غلامی سے لا کر کرے شاہِ شاہاں |
جو خوبی خدا سے عطائی ہے ان کی |
رواں ہے یہ گردوں نبی کی چمک سے |
گراں خیر ہستی میں آئی ہے ان کی |
عوامی ہیں محمود الطاف ان کے |
بڑے شان والی گدائی ہے ان کی |
معلومات