| سو سال ہوئے جب سے کہ لجنہ کا جنم ہے |
| صد شکر کہ مولا کا ہوا ہم پہ کرم ہے |
| ہم شکر بجا لائیں رکھا اُس نے بھرم ہے |
| سجدے کریں خوشیوں میں یہی اپنا دھرم ہے |
| پورے ہوئے صد سال اُٹھایا جو عَلَم ہے |
| ہر گام پہ لجنہ کا بڑھا آگے قدم ہے |
| تاریخ کبھی دیکھو جو تم اس کی اٹھا کے |
| پھولے پھلے سائے میں خلافت کی رِدا کے |
| ہم پیچھے چلیں اُس کے اُسے ڈھال بنا کے |
| جُراَت ہے کسے دیکھے ہمیں آنکھ اُٹھا کے |
| ہر گام پہ بڑھتا ہوا آگے ہی قدم ہے |
| صد شکر کہ مولا کا ہوا ہم پہ کرم ہے |
| تنظیم یہ لجنہ کی خلافت کی عطا ہے |
| ہے اُس کی اطاعت میں ہمیں جو بھی ملا ہے |
| مقصد تو ہمیشہ سے رہا رب کی رضا ہے |
| دل میں جو خلیفہ سے محبّت ہے وفا ہے |
| ہر گام پہ بڑھتا ہوا آگے ہی قدم ہے |
| صد شکر کہ مولا کا ہوا ہم پہ کرم ہے |
| ہم بھی تو چلیں کندھے کو کندھے سے ملا کے |
| کی ہم نے ہےتاریخ رقم خون بہا کے |
| کب اشک بہائے ہیں عزیزوں کو لُٹا کے |
| ہونٹوں سے جو نکلے ہیں فقط حرف دُعا کے |
| اس راہ میں اُٹھتا ہوا آگے ہی قدم ہے |
| صد شکر کہ مولا کا ہوا ہم پہ کرم ہے |
| ہم جشن منائیں ہوئے صد سال مبارک |
| خوش ہو کے یہ گائیں ہوئے صد سال مبارک |
| سب کو یہ بتائیں ہوئے صد سال مبارک |
| نعرہ یہ لگائیں ہوئے صد سال مبارک |
| ہر گام پہ بڑھتا ہوا آگے جو قدم ہے |
| صد شکر کہ مولا کا ہوا ہم پہ کرم ہے |
معلومات