| مدینے سے آئی کرم کی ہوا ہے |
| کیا دور جس نے ہی رنج و بلا ہے |
| ملا دینِ حق ہے نبی سے ہمیں بھی |
| سخی ہے جو ہادی وہ ہی مصطفیٰ ہے |
| جو منظر سہانے ہیں ہستی کے سارے |
| مدینے سے اس پر کرم کی ہوا ہے |
| معطر فضا اس سے ساری ہوئی ہے |
| مدینے سے لائی جو بادِ صبا ہے |
| کہاں قیصری کی قدر اس کے من میں |
| نبی کا جو دل سے سدا ہی گدا ہے |
| خطا کار ہو کر بھی امید ہے یہ |
| سبب بخششوں کا درِ دلربا ہے |
| اے محمود مانگو کرم مصطفیٰ کا |
| وہ ہی نازِ ہستی حبیبِ خدا ہے |
معلومات