پیغام یہ دیا گیا الفاظ صاف میں |
ملتا نہیں خدا کبھی لاف و گزاف میں |
ماہِ صیام آگیا ہے برکتوں کے ساتھ |
کچھ خوش نصیب بیٹھیں گے اب اعتکاف میں |
شیطان سے جو پوچھا ہوئے تم ہو قید کیا |
اس کو تو اعتراض نہیں اعتراف میں |
ناکام ہوں سرے سے میں شیطان نے کہا |
ہو جائیں متّفق جو سبھی اختلاف میں |
رشوت کی پیشکش تو کرو رہنماؤں کو |
لگتی نہیں ہے دیر ذرا انحراف میں |
وعدہ جو کر کے آئے رکھّیں گے وہ راز میں |
لالچ میں دیر کب وہ کریں انکشاف میں |
خوابوں میں رہ رہے ہیں جو پریوں کے دیس میں |
شاید وہ جلد آئیں نظر کوہِ قاف میں |
طارق خدا کا قُرب ہے گر مقصدِ حیات |
بہتر ہے پھر رہیں اسی گھر کے طواف میں |
معلومات