اس سے جب تم پیار کرو گے سب اچھا ہو جائے گا |
جب باتیں دو چار کرو گے سب اچھا ہو جائے گا |
مشکل تو ہو گی چلنے میں کانٹے راہ میں آئیں گے |
جب جنگل کو پار کرو گے سب اچھا ہو جائے گا |
ہاتھ پکڑ کر چلنا سیکھو گے تم اس کے ساتھ اگر |
جب تم اُس کو یار کرو گے سب اچھا ہو جائے گا |
کاہے کو دشمن ہو کوئی جب کرنا ہے پیار تمہیں |
دل پر سب کے وار کرو گے سب اچھا ہو جائے گا |
دنیا کو تو راضی کر کے چین نہیں ملتا لیکن |
راضی جب دلدار کرو گے سب اچھا ہو جائے گا |
لوگ ذرا گھبراتے ہیں لمبی باتوں کو سننے سے |
لفظوں کو اشعار کرو گے ، سب اچھا ہو جائے گا |
طارق جب امّید رکھّو گے اچھا ہی ہونے کی تم |
جو بھی تم اس بار کرو گے سب اچھا ہو جائے گا |
معلومات