| وہ سب کے ساتھ تھا لیکن مجھے لگا تنہا |
| اسی سے بزم کی رونق تھی پر وہ تھا تنہا |
| اگرچہ سامنا اس کا رہا اندھیروں سے |
| مگر وہ نور کا پیکر تھا اک دیا تنہا |
| بلند عزم تھا اس کا عظیم ہمّت تھی |
| جو آئے طوفاں مقابل کھڑا رہا تنہا |
| چراغ نور بھرا علم کا سمندر تھا |
| وہ دُور بیں تھا بہت دُور تک گیا تنہا |
| دُکھوں سے دوسروں کےبے قرار رہتا تھا |
| دعائے نیم شب اس کی تھی اور خدا تنہا |
| کلام اس کا روانی میں جیسے دریا تھا |
| چلا وہ ساتھ نہ رویا نہ خود ہنسا تنہا |
| جو بات کہتا خدا اس کو پوری کر دیتا |
| نہیں تھے ہم ہی کہ دیکھا یہ معجزہ تنہا |
| خدا نے اس کو مطہّر بنایا تھا طارق |
| وہ پاک کر کے دلوں کو چلا گیا تنہا |
معلومات