| . زیـب تن کر کے یہ اجـداد کا انـدازِ کہـن |
| . شیر و شاہین کی صورت بھی دکھاتی ہے یہ |
| . تـصـویـر |
| ( انظر الی ما قال ولا تنظر الی من قال) |
| درسِ آئینِ جہابانی سکھاتی ہے یہ |
| اپنا گزرا ہوا کل یاد دلاتی ہے یہ |
| گرچہ تصویر کا صورت سے کوئی ربط نہیں |
| ہاں مگر رہروِ ماضی سے ملاتی ہے یہ |
| زیب تن کر کے یہ اجداد کا اندازِ کہن |
| شیر و شاہین کی صورت بھی دکھاتی ہے یہ |
| صورتِ تیغ و سناں مرد جوانوں کو دکھا |
| نقشِ وحشت رہِ ہستی سے مٹاتی ہے یہ |
| فکرِ ملت سے جوانوں کو بنا پیرِ جہاں |
| خوابِ غفلت کے مریدوں کو جگاتی ہے یہ |
| بے عمل قوم کے افراد کو مقصد دے کر |
| شرق و مغرب کی سیاست بھی سُجھاتی ہے یہ |
| ناسہی اصل و حقیقت میں تخیل میں سہی |
| دورِ سلطان و سلاطیں میں گماتی ہے یہ |
| اصل کردار ، اداکاری تجلی ہے فقط |
| گاہِ کردارِ حقیقی بھی سکھاتی ہے یہ |
| ہے ہمیں حکمِ سماعت نہ کہ واعظ پہ نظر |
| ہاں، کبھی موعظِ حسنہ بھی بتاتی ہے یہ |
| میرا دعویٰ تو نہیں غالبِ امکاں ہے مگر |
| درسِ سلطانی کہ شاہؔی کو سکھاتی ہے یہ |
| شاہؔی ابو اُمامـه شــؔاہ ارریاوی |
| ( والله ما لستُ بمفتی بخدا میں مفتی نہیں ہوں ) |
معلومات