| آزادی کا کیوں نام لیا دوست آہ آہ |
| تالے ہیں منہ پہ پاؤں میں زنجیر واہ واہ |
| بیٹھے ہوئے جگر سے نکلتی ہے سرد آہ |
| جلاد بھی ستم پہ یوں ہوتا ہے داد خواہ |
| جمہوریت کو دیس میں ملتی ہے یوں پناہ |
| ہی ہی ہے تیرے لب پہ تو جنتا کے لب پہ آہ |
| انسان دوست تم یوں ہوئے ایسے امن خواہ |
| ہر اک گلی میں آگ ہے ہر شہر قتل گاہ |
| مشعل سے تیری کھلتی گئی تیرگی کی راہ |
| اسمارٹ سٹی کی سبھی لائٹ ہیں اب گواہ |
| آپس میں بھائیوں کی بھی ملتی نہیں نگاہ |
| اے وائے حادثہ کہ جو پر امن جان کاہ |
| رنگین کچھ یوں ہو گئی دنیا تری الہ |
| کیوں آبِ زیست کی کوئی رہتی ہے ان کو چاہ |
| آؤ کہ آج ہم بھی اٹھا لیں یہ مشکلیں |
| انسانیت کی راہ کو روشن کیے چلیں |
| مانندِ آفتاب یوں بڑھتے چلے چلیں |
| اپنی کبھی نہ شام ہو ہم نہ کبھی ڈھلیں |
| دیں وقتی مصلحت ہمیں کتنی ہی جنبشیں |
| نہ اپنے پاؤں ڈولیں نہ اپنے قدم ہلیں |
| اپنے وطن کی راہ میں کھائیں جو ٹھوکریں |
| آئیں شکن جبیں پہ نہ پیشانی پر بلیں |
| اہلِ وفا نہ جور و ستم سے کبھی ڈریں |
| جب عشق کر لیا ہے تو آئیں گی مشکلیں |
| گردوں پہ پھر سے ہوں کمند انداز کیا ہوئے |
| عبد الکلام کے پرِ پرواز کیا ہوئے |
| سندھی کے وہ سلاسلِ آزاد کیا ہوئے |
| محمود کے شرارۂ ممتاز کیا ہوئے |
| ماں بہنیں بوا بیٹی کے کپڑے اتار دو |
| پوری ہوئی ہوس تو انھیں جاں سے مار دو |
| ہر سر پھرے کو دار و رسن سے گزار دو |
| سینے میں ان کے خنجر و چھورا اتار دو |
| آؤ بھگت ہو ان کو عقیدت کا ہار دو |
| الفت پریم سلامی سے لبریز پیار دو |
| غنچہ کلی یہ پھول یہ دل کش بہار دو |
| اپنی انا پہ دیش کی ہر چیز وار دو |
| بھارت کے تن پہ پھر وہی زخموں کے ہار دو |
| ماتھے پہ اس کے خون کے نقش و نگار دو |
| بھرپور نفرتوں سے کوئی کارزار دو |
| مجرم فسادی دشمن کے روپ دھار دو |
| دریائے آتشیں کو بھی تھوڑا ابھار دو |
| مذہب کی کشمکش کو رہِ استوار دو |
| مقتل میں پھر شہادتِ فریادی کا ہے جشن |
معلومات