دے کر ادھار واپسی کی خیر مانگئے |
لیکن نہ مانگ کر کسی سے بَیر مانگئے |
ہاں مانگئے کہ بخش دئے جائیں سب گناہ |
جنَّت کی ہو نصیب ہمیں سیر مانگئے |
کب تک بتوں کے سِحر میں جکڑے رہیں گے آپ |
چھوڑیں حرم جناب یہاں دَیر مانگئے |
کیونکر کہو دعائیں تمہاری نہ ہوں قبول |
سجدے میں پڑ کے عاجزی کے پیر مانگئے |
عرفان و فیض کے ہوں سمندر کے غوطہ خور |
جو عرش تک بھی اُڑ سکیں وہ طیر مانگئے |
دے دیں وہ جاں چمن کو ضرورت پڑے اگر |
غالب نہ آئے ان پہ کوئی غیر مانگئے |
طارق جنونِ عشق سے پہلے رہے خیال |
ہوش و خرد میں خاتمہ بالخیر مانگئے |
معلومات