میٹھا ہے ورد اے دل دلبر کے نام کا |
شاہوں کے شاہ سرور عالی مقام کا |
اے من بناؤ گجرا لے کر مدینے جائیں |
مدحت کے پھولوں کا اور حب کے سلام کا |
میرے نبی اے ہمدم ایسے ہیں داد رس |
رکھتے خیال ہیں جو فدوی کے کام کا |
احسان کر اے مولا اپنی جناب سے |
کوچے میں ان کے گھر ہو ان کے غلام کا |
لاکھوں درود ان پر لاکھوں سلام ہوں |
رتبہ سدا ہو اونچا خیر الانام کا |
ہیں آنِ دو سریٰ کی جانِ جہاں نبی |
درجہ کمال جن کے ظرفِ کلام کا |
ظلم و ستم جہاں سے طاغوت کے گئے |
ہستی میں نور پھیلا ماہِ تمام کا |
محمود ایک صف میں اس جا ایاز بھی |
دیکھو یہ خاصہ ہے ان کے نظام کا |
کب آرزو ہے میری محمود اور کوئی |
سائل ہوں ادنیٰ میں بھی فیضِ دوام کا |
معلومات