| یہ کس ادا سے چمن سے بہار گزری ہے |
| سلگ سلگ کے تمنا ہزار گزری ہے |
| حیات دل کی اگر اک شب شمار کر بھی لوں |
| وہ ایک شب ہی بہت بے قرار گزری ہے |
| اڑا کے لے جو گئی دل کی سسکیاں بلبل |
| بھرے چمن پہ قیامت ہزار گزری ہے |
| صبا نے چھو جو لیا خوشبوؤں کے آنچل کو |
| جبین گل پہ شکن ناگوار گزری ہے |
| وفا اداس ہوئی تھی فریب کھا کھا کر |
| مری نظر سے مگر مشک بار گزری ہے |
| یہ کس مقام پہ پہنچی ہے جستجو دل کی |
| وصال رت تھی مگر سوگوار گزری ہے |
معلومات