قصیدہ ہے جن کا سہانی ثنا |
نبی ہیں خدا کے وہ خیر الوریٰ |
انہی کے کرم سے ہے آتی صدا |
درِ فیض وا ہے کریں التجا |
سدا منہ سے مانگا ہے جن سے ملا |
نبی ہیں خدا کے وہ خیر الوریٰ |
گدا جن کے جِن اور انسان ہیں |
یہ نوری بھی اُن کے ہی دربان ہیں |
کریں جن کے در پر یہ سب ہی صدا |
نبی ہیں خدا کے وہ خیر الوریٰ |
فدا جن پہ ہر دم خدائی ہوئی |
انہی نے جہاں کی ہے جھولی بھری |
بنے سارے سلطاں ہیں جن کے گدا |
نبی ہیں خدا کے وہ خیر الوریٰ |
جہاں ان کی خاطر ہے پیدا ہوا |
جو یکتا ہے محبوب رب کا سوا |
بنا نور جن کا جہاں کی بنا |
نبی ہیں خدا کے وہ خیر الوریٰ |
مسِ خام کندن ہے جس نے کیا |
جہاں کا ہیں کرتے بھلا ہی بھلا |
جو فیاض داتا ہیں سلطانِ ما |
نبی ہیں خدا کے وہ خیر الوریٰ |
بڑے جود والے وہ مشکل کشا |
ہیں محبوبِ رب کے وہ صلے علیٰ |
یہ محمود ہے جس سخی کا گدا |
نبی ہیں خدا کے وہ خیر الوریٰ |
معلومات