خلافت خدا کی ہے سنّت قدیم |
خلافت عطائے خدائے کریم |
خلافت اندھیرے میں شمعِ حریم |
خلافت خدا کی ہے نعمت عظیم |
جہاں میں خلافت کا جو نور ہے |
جو دور اس سے اُس سے خدا دور ہے |
خلافت سے ہم کو محبّت ملی |
اسی کی اطاعت میں ہے زندگی |
یہاں معرفت کے ملے جام بھی |
کوئی بھی نہ باقی رہی تشنگی |
پلانے پہ ساقی جو مامور ہے |
جو دور اس سے اس سے خدا دور ہے |
خلافت سے بڑھ کر نہ نعمت کوئی |
نہ دیکھی ہے ایسی محبّت کوئی |
جو کر لیتا ہے اس کی بیعت کوئی |
نہیں ویسی کرتا اطاعت کوئی |
ہو نازل خدا جس پہ وہ طور ہے |
جو دور اس سے اس سے خدا دور ہے |
خلافت نے رستہ دکھایا ہمیں |
کسی نے بھی جب آز مایا ہمیں |
اسی نے ہے جینا سکھایا ہمیں |
وہ یوں دیکھ کر مسکرایا ہمیں |
ہمارا خلیفہ جو مسرور ہے |
جو دور اس سے اُس سے خدا دور ہے |
معلومات