روز ہی خود کو میں گراتا ہوں |
روز ہی خود کو میں اٹھاتا ہوں |
روز ہی خود سے روٹھ جاتا ہوں |
روز ہی خود کو میں مناتا ہوں |
روز ہی خود کو کچھ سکھاتا ہوں |
وہ سبق روز بھول جاتا ہوں |
بات جو بھی چھپا کے رکھنی ہو |
روز لوگوں کو وہ بتاتا ہوں |
وعدہ کرتا ہوں توڑنے کے لیے |
روز پھر بھی میں وہ نبھاتا ہوں |
وہ نیا زخم روز دیتا ہے |
روز ہی خود کو میں رلاتا ہوں |
روز اس کی گلی میں جاتا ہوں |
اپنا قد روز ہی گھٹاتا ہوں |
روز اس کو بھلانا چاہتا ہوں |
بھولنا روز بھول جاتا ہوں |
جتنا خود کو میں جان پاتا ہوں |
روز اتنا بدل میں جاتا ہوں |
روز شاہد سے جنگ ہے میری |
روز ہی خود سے ہار جاتا ہوں |
معلومات