کاش پورا یہ خواب ہو جائے |
زندگی لاجواب ہو جائے |
امتحاں زندگی کا ہو اور تُو |
امتحاں کا نصاب ہو جائے |
تُجھ پہ ہر روز شعر لکھتا رہوں |
تُو غزل کی کتاب ہو جائے |
کامیابی کو فخر ہو تُجھ پر |
جب تِرا انتخاب ہو جائے |
تشنگی کب رہے مرے دل کو |
آنکھ جب بھی پُر آب ہو جائے |
وصل کی بھی سبیل نکلے گی |
گر نہ حائل حجاب ہو جائے |
بخشے جائیں سبھی ہمارے گناہ |
رحم جو بے حساب ہو جائے |
طارق اُس راہ پر مسلسل چل |
جس پہ تُو کامیاب ہو جائے |
معلومات