| دشت میں لیلیٰ سے ملنے ہی اگر جانا تھا |
| سب جہاں چھوڑ کے مجنوں نے اُدھر جانا تھا |
| عشق گر آگ میں کودا تو وہ زندہ ہے ابھی |
| عقل پیمانہ اگر ہوتی تو مر جانا تھا |
| مجھ کو الزام نہ دو پھر سے چلا آیا ہوں |
| کیا بھلا میں نے یہاں آنے سے ڈر جانا تھا |
| میں ترے چاہنے والوں میں نہ ہو جاتا اگر |
| میرے اندر بھی کسی زہر نے بھر جانا تھا |
| کاٹ ڈالے تھے مرے پر بھی قفس کے اندر |
| میں جو اُڑتا بھی کہاں اُڑ کے دگر جانا تھا |
| میں اسے نظروں سے اوجھل نہیں ہونے دیتا |
| ورنہ دامن مرا ہو کر یہاں تر جانا تھا |
| بند کرتے رہے سب روزنِ زنداں میرے |
| کھول کر میرے لئے کیا کوئی در جانا تھا |
| ہے گماں لوگوں کا باز آئے ہیں دینے سے پیام |
| ہم نے جو کرنا تھا وہ ہم نے تو کر جانا تھا |
| طارق امّید بھروسہ ہے توکّل باقی |
| روند کر پاؤں تلے ، ہم نے بھی ، شر، جانا تھا |
معلومات