خلقِ خدا پہ دلبر تیری ہے بادشاہی |
لولاک حکمِ خالق دیتا ہے یہ گواہی |
مرغِ چمن مگن ہیں مدحت ثنا میں تیری |
تیری عطا کے قائل سب مرغ اور ماہی |
ہے انبیا نے تجھ کو مانا امام آقا |
اقصیٰ میں ہے درخشاں تیری یہ سربراہی |
نازاں ہے یزداں خود بھی خُلقِ عظیم تجھ پر |
روکی ہے تو نے ہادی انسان کی تباہی |
ممکن کہاں بشر سے مدحت ثنا ہے تیری |
بخشی خدا نے تجھ کو بے عیب پادشاہی |
باعث ہے رحمتوں کا امت پہ سایہ تیرا |
رونق دیارِ ہستی کہتی ہے یہ سدا ہی |
محمود فیضِ عالم رحمت ہیں عالمیں کی |
احساں ہیں مومنوں پر گویا ہے خود الہٰی |
معلومات