عید خوشیاں لے کے آئی ہے ، منائیں مل کے ہم |
دید سب کی ساتھ لائی ہے ، منائیں مل کے ہم |
بعد مدّت کے گھڑی اتنی سعید آئی ہے یہ |
ایک دوجے تک رسائی ہے ، منائیں مل کے ہم |
عید کی خوشیاں ہیں دو بالا ہوئیں پھر سے ملے |
دور اس نے کی جُدائی ہے ، منائیں مل کے ہم |
ماہِ رمضاں میں دعاؤں کو قبولیّت ملی |
یہ خوشی ہم نے جو پائی ہے منائیں مل کے ہم |
ہاتھ بڑھایا جو ہم نے دوستی کا ہر طرف |
دشمنی دل سے مٹائی ہے ، منائیں مل کے ہم |
لغو سے اس ماہ میں جتنا کیا پر ہیز ہے |
دل میں تبدیلی جو آئی ہے منائیں مل کے ہم |
جو تہجّد کا ہمیں اس ماہ میں آیا مزہ |
نیک یہ عادت بنائی ہے ، منائیں مل کے ہم |
کام جو بھی ہم کریں اس کی رضا درپیش ہو |
یہ خدا نے رہ دکھائی ہے ، منائیں مل کے ہم |
ہے یہی جنَّت کہ طارق وہ خدا راضی رہے |
اس نے خوش خبری سنائی ہے ، منائیں مل کے ہم |
معلومات