خوب سے تھی خوب تر کی جستجو |
رنگ لائی عمر بھر کی جستجو |
خواب سب پورے ہوں یہ سوچا نہیں |
ہاں مگر کچھ با ثمر کی جستجو |
یاد ہیں بچپن کی کچھ باتیں ہمیں |
نوجوانی میں سفر کی جستجو |
تتلیاں دیکھیں چمن میں جب کبھی |
ہم پکڑ لیں دوڑ کر کی جستجو |
بارشوں میں بلبلے پانی میں کیوں |
بن کے ٹوٹیں اس قدر کی جستجو |
ہم کبھی جگنو پکڑ کر ہاتھ میں |
ان کو رکھ لیں تا سحر کی جستجو |
کس طرح مکھی بناتی ہے شہد |
جان لیں ہم یہ ہنر کی جستجو |
کیسے اُڑتے ہیں پرندے دور تک |
کیوں نہیں تھکتے ہیں پر کی جستجو |
رات کو جائیں پرندے یہ کہاں |
کیسے سوئیں پیڑ پر کی جستجو |
روشنی سورج ہمیں دیتا ہے کیوں |
کیوں جلائے دو پہر کی جستجو |
چاندنی میں وہ تپش کیونکر نہیں |
نور کیا ہے سر بسر کی جستجو |
گردشِ ایّام ہوتی ہے تو کیوں |
کیوں ہیں یہ شام و سحر کی جستجو |
ہم سنیں آواز جب کوئی مدھر |
دل کو بھائے کیوں مگر کی جستجو |
دیکھ کر صورت کوئی اچھی ہمیں |
کھینچ لے کیوں اس قدر کی جستجو |
جس کی فطرت پر ہیں ہم پیدا ہوئے |
کیا ہے فطرت کا اثر کی جستجو |
کون ہے جس نے ہمیں پیدا کیا |
ہے اگر کوئی بشر کی جستجو |
جان لیتا ہے جسے بھی عقل ہو |
اس کو پہچانا اگر کی جستجو |
ہم تو بتلا کر سبھی کو خوش ہوئے |
ہم نے طارق پیشتر کی جستجو |
معلومات