| سلطانِ کل جہاں ہے لیکن خبر نہیں |
| واعظ کے وعظ میں اب بالکل اثر نہیں |
| مجنوں کی طرح تو بھی صحرا میں جا نکل |
| تیری نواۓ دل میں سوزِ جگر نہیں |
| نقشِ قدم پے والد کی جو نہ چل سکے |
| گو پیرِ کل جہاں ہو قابل پسر نہیں |
| منزل کی جستجو سے جو بے خبر رہے |
| رہزن ہے تیری رہ کا وہ راہ بر نہیں |
| بازوۓ مردِ مومن خالی ہے سیف سے |
| دستِ قلم بھی لیکن ہے بے خطر نہیں |
| حالاتِ ناگہاں سے گھبراۓ جس کا دل |
| وہ مرد ہے وَ لیکن مردِ نڈر نہیں |
| نعرے ہزار اسکے دل میں جگر نہیں |
| تلوار کیا ہے وہ جو ہو کار گر نہیں |
| تو بھی سیاستِ ہندی کا ہے ہم نوا |
| تو خونِ حکمراں ہے روحِ عُمَر نہیں |
| پیغامِ حق سنایا جس نے جہان کو |
| اوروں پہ مہرباں ہے خود پر نظر نہیں |
| یہ وقت اتحادِ ملت کا ہے امم! |
| اس وقت تو اے مسلم! ہرگز بکھر نہیں |
| پروازِ مرغِ ہستی ازبر نہیں تجھے |
| شاہیں کا تجھ کو لیکن ہے بال و پر نہیں |
| قوموں کی زندگی اب تجھ پر ہے منحصر |
| معمارِ قوم ہے تو ، تو سنگِ در نہیں |
| منزل تری جہاں ہے تسخیرِ کل جہاں |
| پھرتا ہے دربدر کیوں تو رہ گزر نہیں |
| اس دورِ پر فتن میں ہر شخصِ با اثر |
| دنیا سے باخبر ہے خود کی خبر نہیں |
| اسرارِ داغِ ہستی رمزِ حیات ہے |
| تو بحرِ بے خودی ہے بے خود مگر نہیں |
| یہ طفلِ ناداں مکتب شاہی ؔ کمال ہے |
| پر شوق یہ جواں ہے گو با ہنر نہیں |
معلومات