| عشق کی پُر پیچ راہوں پر عجب عنواں پڑھے |
| قربتیں اتنی نہیں تھیں فاصلے جتنے بڑھے |
| دل کے آئینے میں یوں پیوست ہے تصویرِ یار |
| جس طرح تسبیح کے دانوں میں ہوں موتی جڑے |
| مجھ کو بھی دھوکہ سرابِ ریت نے ایسا دیا |
| جیسے محبُوبہ سے دھوکہ کر گئے کچّے گھڑے |
| غربت و افلاس کے پالے ہوئے خوش رنگ پھول |
| کاتبِ تقدیر سے کوئی مگر کیسے لڑے |
| صبح نَو آنے کو ہے درکار ہے وہ رہنما |
| جو وطن کے دشمنوں سے بالیقیں جم کر لڑے |
| جنّتِ فردوس پر قابض ہیں قبلہ شیخ جی |
| مقتدی کے واسطے نارِ جہنّم کے گڑھے |
معلومات