| جو خیر البشر ہیں سخی جانِ ما ہیں |
| وہ ہی نبضِ ہستی حبیبِ خدا ہیں |
| اجالا جہاں کا وہ شاہِ حرم ہیں |
| جو جود و سخا کے بھی ابرِ کرم ہیں |
| جہاں جن سے تاباں ہیں بدرِ دجیٰ وہ |
| خلق کے بھی رہبر ہیں نورِ ہدیٰ وہ |
| یہ محبوبِ رب جو دہر میں عُلی ہیں |
| وہ دلبر جہاں کے ہیں صاحب دنیٰ ہیں |
| انہیں اوج پر ہے بلایا خدا نے |
| فلک ان کی خاطر سجایا خدا نے |
| وہ شانِ زمانہ جو صلے علیٰ ہیں |
| درود ان پہ مولا کے صبح و مسا ہیں |
| اے محمود تو بھی گدا ہے انہی کا |
| زمانہ ہے کھاتا سدا جس سخی کا |
معلومات