| حصہ اول |
| وہ اک دن مجھ سے گھر پر ملنے آئی |
| مجھے آ کر خبر کچھ یوں سنائی |
| مجھے ہیرے کی انگوٹھی دکھائی |
| کہا اب اس سے آگے ہے جدائی |
| وہ کہتی تھی اسے میں بھول جاؤں |
| اور اس کا نام بھی لب پر نہ لاؤں |
| اسے لوٹا دوں اس کی ہر نشانی |
| زخم پھر دل کا خود سے بھی چھپاؤں |
| حصہ دوم |
| نہ تم خود ہو نہ کوئی بھی نشاں ہے |
| میں زندہ ہوں کہ یہ بس اک گماں ہے |
| اکیلا ہوں میں سگرٹ کا دھواں ہے |
| تمھارے بن یہ مجھ پر اب عیاں ہے |
| یہ میری زندگی اب رائیگاں ہے |
| اکیلا ہوں میں سگرٹ کا دھواں ہے |
| مرے اندر کوئی اندھا کنواں ہے |
| مرے دل میں مسلسل اک فغاں ہے |
| اکیلا ہوں میں سگرٹ کا دھواں ہے |
| مجھے دھوئیں میں دکھتی ہر جگہ ہو |
| یہ تم ہو یا کوئی ریگِ رواں ہے |
| اکیلا ہوں میں سگرٹ کا دھواں ہے |
| دھواں ہی تو اکیلا مہرباں ہے |
معلومات