| سپنے میں جب نبی جی تشریف لائیں گے |
| ہر حالِ دل یہ آنسو ان کو سنائیں گے |
| دیں گے مجھے دلاسا میرے کریم پھر |
| کچھ دیپ چاہتوں کے دل میں جلائیں گے |
| بطحا میں چاہوں گا میں ہو وقت آخری |
| امید ہے وہ طالع میرے جگائیں گے |
| اور قبر مانگ لوں گا روضہ کی راہ میں |
| قدموں سے مٹی خود ہی زائر لے جائیں گے |
| ہوں گے یہ ذرے تاباں پھر چاند سے سوا |
| جب جلوے مصطفیٰ کے ان پر بھی آئیں گے |
| ہر خیر جن کے صدقے کونین کو ملی |
| نغمے اسی حسیں کے یہ ذرے گائیں گے |
| الطاف ان کے گننا ہر دم محال ہے |
| برزخ میں امتی کے وہ کام آئیں گے |
| محشر کے ہیں وہ شافی یزداں کے حکم سے |
| اپنے غلاموں کو وہ جنت لے جائیں گے |
| لطف و کرم نبی کا محمود عام ہے |
| در پر کریم آقا تجھ کو بلائیں گے |
معلومات