| تم اونچے محلوں والے ہو مسکین کی عزّت کیا جانو |
| کیا بیتے بھوکے بچوں پر تم صاحبِ دولت کیا جانو |
| تم ساتھی روز بدلتے ہو کیا جانو سچے جذبوں کو |
| تم سمجھو کچے دھاگے یہ رشتوں کی نزاکت کیا جانو |
| تم ہم کو کہہ کر دیوانےمنہ پھیر کے یوں جو ہنستے ہو |
| تم عقل کی پوجا کرتے ہو تم عشق محبّت کیا جانو |
| ہم حسن کے آگے جُھک جائیں احسان کی خاطر جاں دے دیں |
| تم نے تو محبت کی ہی نہیں تم پیار کی لذّت کیا جانو |
| تم اہلِ غرض کے مدِّ نظر ہے سود و زیاں کا پیمانہ |
| ہم اہلِ نظر اس کو پرکھیں تم دل کی چاہت کیا جانو |
| دنیا کو سمجھ کر بیٹھے تم اس زیست کی غرض و غایت سب |
| پھر ذکر کریں ہم تم سے کیا تم دوزخ جنَّت کیا جانو |
| طارق نے کہا ہے تم سے یہی اک روز یہاں سے جانا ہے |
| یہ بات کوئی ان ہونی نہیں تم اپنی قسمت کیا جانو |
معلومات