| سخی ہادی پیمبر ہے زمانے کو خبر کردو |
| وہ ہی دانائے دلبر ہے زمانے کو خبر کردو |
| لیے رحمت جو آیا ہے وہ احساں ہے جہاں بھر پر |
| وہ صادق ہے وہ رہبر ہے زمانے کو خبر کردو |
| کیا کافور ظلمت کو نبی کے پاک قدموں نے |
| ورود ان کا ہی بہتر ہے زمانے کو خبر کردو |
| جمیلوں میں حسیں آقا جو شافی بھی امم کے ہیں |
| سخی جن کا سدا در ہے زمانے کو خبر کردو |
| رفو کرتے بلا ہیں وہ ہوئے دکھ کی دوا ہیں جو |
| حرم جن کا منور ہے زمانے کو خبر کردو |
| حسیں نامِ نبی دلبر صدائے گردوں و اختر |
| بنائے جو مقدر ہے زمانے کو خبر کردو |
| نبی آقا وہ جانم ہے کہو محمود دل جاں سے |
| جو مولا کا بھی دلبر ہے زمانے کو خبر کردو |
معلومات