| آواز آ رہی ہے سُنو آسمان سے |
| آ جائے گی سمجھ جو سُنو گے دھیان سے |
| پہنچے ہو تم دہانے پہ جنگِ عظیم کے |
| اندازہ آگ کا تو ہو اُٹھتے دُخان سے |
| ہم نے تو وہ کہا جو کتابوں میں ہے لکھا |
| تم ہم سے کیوں ہوئے ہو ذرا بد گمان سے |
| تم لوٹ آؤ رب کی طرف ہے وہی پناہ |
| سنتے ہو بار بار کسی کی زبان سے |
| سوئے ہو غفلتوں کی جو چادر لپیٹ کر |
| اُٹھے نہ اب تو پھر اُٹھو گے کس اذان سے |
| اب کہہ رہی ہے خلقِ خدا غائبانہ کیا |
| واپس نہ آئے تیر چلے جو کمان سے |
| دنیا کی حرص نے تمہیں دیوانہ کر دیا |
| کب تک رکھو گے واسطہ خالی مکان سے |
| تنہائیاں بنیں گی مقدّر جو بچ گئے |
| طارق ہے کیا مراد تری اس بیان سے |
معلومات