| دیکھ کر نمبر مرا اس نے کنارہ کر لیا |
| دیکھا جائے گا کبھی کہہ کر گوارا کر لیا |
| جتنا جی چاہو چھپاؤ پردہ داری میں رہو |
| زاویوں کی اوٹ میں ہم نے نظارہ کر لیا |
| روٹیاں تھیں تین جبکہ کھانے والے چار تھے |
| بیٹا مَیں بھُوکی نہیں ماں نے گوارا کر لیا |
| گر ذرا ہلکی سی اُکتاہٹ ہوئی رشتوں کے بیچ |
| مَیں نے تھوڑی آڑ لی اس نے کنارہ کر لیا |
| راستے میں مِل گئے اک دن کہا کیا حال ہے |
| لال چہرہ ہو گیا لیکن نظارہ کر لیا |
| طینِ لازب سے ہوئی تھی ابتدا میری مگر |
| اپنی پستی دیکھ کر مٹّی کو گارا کر لیا |
| آؤ اب واپس چلیں کب تک رہیں امید یاں |
| جتنا رہنا تھا رہے اچھّا گزارہ کر لیا |
معلومات