| وقت کے ہاتھ پہ رکھے ہوئے پتھر کی قسم! |
| وقت کے ہاتھ پہ رکھے ہوئے پتھر کی قسم |
| ہم نے زخموں کو بھی اشکوں سے پریشاں نہ کیا |
| دل بھی چپ چاپ ترے غم میں رہا ہے مشغول |
| اتنا چپ چاپ کبھی چاک گریباں نہ کیا |
| غم کی تقدیر نے ماتھے کو ہے چوما اکثر |
| اک کڑے دن میں کبھی رات ہوئی ہے دیکھو |
| اک تمنا کا فسوں ٹوٹ کے برسا اکثر |
| کس قدر نور کی برسات ہوئی ہے دیکھو |
| ہم تو چپ چاپ تری راہ چلے تھے لیکن |
| پھر بھی رستے میں محبت کے ستم بیٹھے تھے |
| ہم نہ پہلے کبھی خوشیاں سے ملے تھے لیکن |
| راہ روکے ہوئے تقدیر کے غم بیٹھے تھے |
| بے نشاں اپنی جوانی کی کہانی کیا ہے |
| ہاں مگر دردٕ مسلسل کے سوا کچھ بھی نہیں |
| اب کسی موڑ پہ اشکوں سے پریشاں کیا ہوں |
| ان کی نظروں میں کبھی اپنی وفا کچھ بھی نہیں |
| زندگی بھر ہمیں راحت سے سروکار نہ تھا |
| عشق جو ہم نے کیا یار وہ بیوپار نہ تھا |
معلومات