| ہر گھڑی اپنی جو یادوں میں بِتاؤں تیری |
| تُجھ کو ، تعریف لکھی ہے جو ، سناؤں تیری |
| ہر اکائی میں ترے حسن کی یکجا کر کے |
| روز سوچا ہے کہ تصویر بناؤں تیری |
| رنگ جتنے بھی دھنک کے ہیں سبھی اس میں بھروں |
| پھر اسے دیکھ کے یادوں کو سجاؤں تیری |
| نقش ہر ایک تِرا دل میں ہے محفوظ مگر |
| کیسے صورت وہ حسیں پردے پہ لاؤں تیری |
| اب تو اک عرصہ ہوا تجھ سے ملاقات ہوئے |
| پھر تِرا قُرب ، رضا کیسے میں پاؤں تیری |
| سر کے بل میں تو چلا آؤں بلائے جو مجھے |
| بن بُلائے کہاں اس بزم میں آؤں تیری |
| طارق اُس حسن کے پیکر سے ہو نسبت کیونکر |
| سوچتا ہوں تجھے حالت تو بتاؤں تیری |
معلومات