کہے میرا وجداں کہوں نعت اُن کی |
ہو بخشش کا ساماں کہوں نعت اُن کی |
میں قربان جاؤں نبی مہرباں پر |
جو ناطق ہیں قرآں کہوں نعت اُن کی |
عطا ہو مجھے حوصلہ میرے مولا |
جو کامل ہیں انساں کہوں نعت اُن کی |
وہ شہکارِ قدرت ہیں قوسین والے |
بنے رب کے مہماں کہوں نعت اُن کی |
شفیع امتوں کے وہ محبوب رب کے |
ملا جن سے ایماں کہوں نعت اُن کی |
علیٰ ذکر جن کا ہوا ہر جہاں میں |
وہ ہیں جان کی جاں کہوں نعت اُن کی |
جو محمود رحمت خدا بن کے آئے |
وہ ہیں نورِ یزداں کہوں نعت اُن کی |
معلومات