| کچھ الگ سا ہے اس سے پیار مجھے |
| کوئی اس سا ملا نہ یار مجھے |
| وہ گیا تو مجھے خیال آیا |
| اس کی صحبت کا تھا خُمار مجھے |
| کب ملاقات ہو گی پھر اس سے |
| اب تو رہتا ہے انتظار مجھے |
| وہ بلائے گا اپنی محفل میں |
| اس پہ اتنا ہے اعتبار مجھے |
| جو کہے اس کو مان جاتا ہوں |
| دل پہ اتنا ہے اختیار مجھے |
| چھوڑ کر آ پڑا ہوں اس کے در |
| راس آیا نہ روزگار مجھے |
| جرم اتنا تھا سچ کہا سچ کو |
| یونہی کرتے ہیں سنگسار مجھے |
| اپنا چہرہ دکھا کے مرہم رکھ |
| تُو نے دیکھا ہے دل فِگار مجھے |
| یاد آتی ہے اس کی جب طارق |
| روز کرتی ہے بے قرار مجھے |
معلومات