| یوں تو آیا بہار کا موسم |
| سُونا من رہ گیا بنا پریتَم |
| گو چمن میں گلاب کِھلتے ہیں |
| کوئی اُس سا لگے مگر کم کم |
| دلرُبا اور بھی بہت دیکھے |
| کوئی رکھتا نہیں ہے وہ دَم خَم |
| دل بھر آیا جو یاد میں اُس کی |
| آنکھ نے پھر تو ہونا ہی تھا نم |
| چار سُو وہ ہمیں نظر آئے |
| ہم بُھلائیں تو کیسے اُس کا غم |
| غیر ہم نے جنہیں خیال کیا |
| وہ بھی بھرتے ہیں سارے اُس کا دم |
| ہم کو یہ احتیاط لازم ہے |
| ہم سے ہو جائے کوئی کیوں برہم |
| اُس کی یاد آگئی یونہی طارق |
| جانے کب شعر ہو گئے یہ رقم |
معلومات