| ذرّے میں بند ہے جو قیامت یہ کس لئے |
| دل اس کا چیرنے میں ندامت یہ کس لئے |
| مانند جو شجر کے اُٹھے گا اب دُھواں |
| سوچو کہ آ رہی ہے شامت یہ کس لئے |
| انسان دشمنی کرے حیوان کی طرح |
| جِدّت میں ڈھل گئی ہے قدامت یہ کس لئے |
| ہیں اُس کے آزمانے کے پیمانے مختلف |
| قدرت نے اس کو دی بھلا قامت یہ کس لئے |
| طاقت پہ اپنی ناز ہے اس کو ہوا کرے |
| ہم کو دکھا رہا ہے جسامت یہ کس لئے |
| دانش میں بڑھ گیا ہے اگر آدمی تو پھر |
| دیوانگی کی اس میں علامت یہ کس لئے |
| آخر کو ہو ہی جائے گا احساس ایک دن |
| بھیجی ہے جو خدا نے امامت یہ کس لئے |
| سامان ہو گیا ہے ہماری پناہ کا |
| قائم جو کی گئی ہے نظامت یہ کس لئے |
| لوگوں کو ہو رہی ہے جو یہ حق کی جستجو |
| ہر روز دیکھتے ہیں کرامت یہ کس لئے |
| طارق تو خوش نصیب ہے آگاہ ہو گیا |
| اب تک رہے جو ہم ہیں سلامت یہ کس لئے |
معلومات