| مسکراتے ہوئے آتے ہوئے دیکھا ہے اُسے |
| دل میں وہ چہرہ بساتے ہوئے دیکھا ہے اُسے |
| اُس کے انوار سے ماحول منوّر جو ہوا |
| نور وہ دل میں سماتے ہوئے دیکھا ہے اسے |
| اس کی پاکیزگیٔ روح نہ پوچھو ہم سے |
| ہم نے زمزم میں نہاتے ہوئے دیکھا ہے اسے |
| اس نے ہر وار لیا سینے پہ آگے بڑھ کر |
| دل کو زخموں سے سجاتے ہوئے دیکھا ہے اسے |
| کتنے بیمار دلوں کو وہ شفا دیتا ہے |
| مردہ روحوں کو جِلاتے ہوئے دیکھا ہے اسے |
| اس کی پرواز اکیلے ہی نہیں ہوتی یہاں |
| اور طائر بھی اڑاتے ہوئے دیکھا ہے اسے |
| بانٹتا پھرتا ہے گھر گھر میں وہ عرفاں کی شراب |
| تشنہ روحوں کو پلاتے ہوئے دیکھا ہے اسے |
| اس نے ہر خطرے سے عالم کو خبر دار کیا |
| سو نے والوں کو جگاتے ہوئے دیکھا ہے اسے |
| آگئے امن میں طارق جو سمجھ جاتے ہیں |
| جنگ سے روز بچاتے ہوئے دیکھا ہے اسے |
معلومات